انتقام الشيطان الجزء الخامس والاخير

   قصص رعب 

 قصة.    انتقام الشيطان

انا ياسر قصتي بدور حول ذنب حصل زمان مليش فيه واللي بيدفع التمن ابني دورت كتير ع حل بس مع الاسف ملقتش مغيش طريقه تساعدني جدي قتل مرات عمي لانها كانت ساحره ولا دجاله وهي عاوزه تقتل ابني لفيت كتير و دورت اكتر ع حلول لحد ما وصلت اني اروح ل دجال روحت البيت ابني كان نايم حضنته مش عارف اعمل اي بس ابني اهم طبعا مفيش طريقه غير اني اسمع كلام الدجال وكان شايف اني انزل الترب اروح لها يعني 

انا مش هستني لما ابني يضيع مني انا هروح استنيت لما كلهم نامو و الساعه جات 2 بعد نص الليل اخدت الحاجات اللي قال عليها و الحيوان اخدت كلب لقيته 

قربت من المقابر و جسمي كله بيترعش 

دخول الترب ف وقت زي دا مش سهل خصوصا لما تبقي عارف انت رايح ل مين و مش عارف اي اللي هيحصل بداءت اقرب من القبر و معايا كلب و كيس دم و نفذ كل اللي قال عليه الدجال بس بمجرد ما قربت و وقفت قدام القبر الكلب كان طالع منه صوت صراخ مش صوته الطبيعي ادركت اني ف مصيبه بس لازم اكمل علشان ابني 

حطيت الدم و ربطت الكلب و انا واقف بنفذ الكلام اللي اتقال لي بداءت التراب اللي ع الارض يتحرك بشكل عشوائي حول الدم و الكلب مره واحده سمعت صوت سمعته قبل كدا بس مش فاكره 

كملت عادي لقيت خيال قرب من الكلب الكلب اتحول ل شئ ضخم هنا ظهر صاحب الصوت و كان الدجاال !!

الدجال:سمع و طاعه يا اسياد الجان و حكام الارض 

انا:اي اللي بيحصل 

الدجال كمل كلامه عادي و بداء الكلب يتشكل ف شكل حيوان اغرب و ضخم جداااا مسكت الدجال من رقبته و كنت هقتله

انا:انطق في اي 

الدجال:انا عبد المأمور انت و سيله علشان ترجع الارض تاني 

ملحقتش اعمل معاه حاجه لاننا وقعنا ف حفره تحت الارض ف مكان اشبه ما يكون ب معبد او متحف كله هياكل عظميه و جماجم بداءت تظهر كائنات غريبه و يقفو بشكل معين ل استقبال حد 

ظهر الست ولا الحيوان دا الدجال لقيته ركع ع الارض و بدا يتوسل وانا كنت واقف مكاني 

بمجرد ما قرب الكائن اللي جاي كله ركع

الدجال:اركع

انا:انت بتخرف امثالك اللي يركعو 

حصل فوضي و توتر ف المكان كلهم ركعو و انا واقف ف ثبات قرب مني منظره ابشع منه انه يتوصف ريحته غريبه مقرفه كنت واقف ف ثبات غريب جدااا معرفش القوه اللي كنت واقف بيها دي جبتها من اين 

هو:انت مكانك بقي هنا معانا 

انا:انت اضعف ب كتير من كلامك 

غضب جدا لما قلت له كده بص للدجال 

هو:عبدي المطيع 

الدجال:لك الامر يا سيدي 

بص له لقيت الدجال بيهجم عليا بس لانه انسان زي زيه قدرت اثبته ف الارض 

انا:ههههه مفيش حد اقوي من كدا شويه 

هو:ههههههه

بداءت كائنات تتجمع حواليا ف شكل دايره انا والدجال و اكنهم مستنين امر الهجوم رغم اني كنت مرعوب و خايف بس كنت واقف قدامهم بقوه 

بس كل ما يقربو عليا يرجعو تاني الدجال فلت من ايدي و راح و قف جنب الكائن اللي معاهم هجمو عليه و بداءو ياكلو فيه منظره كان مفزع و هو بيصرخ و بيتقطع قدامي بس يستاهل 

رجعو تاني حواليا بس برضو مقربوش مني يوصلو ل مكان معين و يرجعو افتكرت ان الكائن اللي معاهم بيخوفني بس حتي هو مقدرش يعدي و يوصلي مكنتش فاهم حاجه و في اي و اشمعنا انا خافو مني و الغريب انهم جرو و استخبو ف الحيطه بمجرد ما انا قدمت خطوه عقلي مش قادر يستوعب اللي بيحصل دا 

الكائن بداء يصرخ و ينادي علي اتباعه و يقرا ويقول اسماء ناس كتير اسمهم غريب ب لغه مش فاهمها بس كل اللي كان بيطلع بيشوفني بيجري تاني يستخبي لحد ما وقف لوحده زي ما قلت لكم كان في عظم و جماجم مديت ايدي مسكت عظم ع الارض كانت مدببه شويه 

قربت منه بدا يصرخ و المفجأه انه هو اللي ركع و بيتوسل كمان مسكت العظمه دي و ضربته بيها ف رقبته نزلت ماده سودا مليت المكان و حاولت اطلع و برضو شايفهم ف كل مكان حواليا اي حصل خلاهم يخافو مني ب الفعل عرفت اطلع طبعا الساعه كانت 6 الصبح منظري و شكلي الناس افتكرتني مجنون وناس فكراني عفريت 

 جريت ع البيت اشوف حمزه اول ما دخلت اوضته كان فاقد الوعي وكان و هدومه كلها ميا و عرقان بطريقه غريبه جداا حضنته جامد بس وانا بقوم اوديه المستشفي 

حمزه:اي اللي وداك عند الناس الوحشه دي يا بابا

انا بزهول:ناس مين يا حمزه 

حمزه:اللي رحت لهم امبارح ب الليل 

انا:عرفت من اين 

حمزه:بعد ما انت حضنتني انا كنت صاحي نمت حلمت انك واقف ف اوضه و في ناس عاوزين يضربوك انا صحيت من الحلم جريت ع اوضتك لقيت ماما بس رحت صليت و شايفهم انا كنت صاحي مش بحلم كل ما اصلي يبعدو عنك و يخافو و اللي كان معاهم شكله وحش قووي بعد ما خلصت صلاه قربو منك قمت صليت تاني لحد ما سمعت اذان الفجر كملت صلاه لحد مانمت بابا مترحش عند الناس دي تاني 

الكلام اللي سمعته دا خلاني مسكت دموعي ب العافيه انا دورت علي دجل و سحر علشان انقذ ابني و ابني هو اللي انقذني بصلاته انا اختارت طريق غلط بس رحمه ربنا كانت اعظم و خلي طفل ينقذني علشان اتعلم اني محتاجش لغيره مهما كانت المشكله مهما كانت الظروف اكيد حكمه ربنا فوق عقول كل البشر عرفت ليه هما كانو خايفين مني و بيهربو كمان الدرع اللي ابني عمله كان اقوي من اي سلاح معاهم الصلاه متيأسش ربنا عارف انت عاوز اي و عارف معاد هيدخل امتي المهم انك تثق ان محدش هيقدر يساعدك غيره 

اخدت ابني ف حضني و شكرته انه علمني الدرس دا و اخدت مراتي و رجعنا البيت و حياتنا استقرت بعد الموقف دا حمزه دلوقتي عنده 15 سنه 

و بقي عندي جنا كمان 7 سنين و حياتي بقت احسن من الاول كتدتبت قصتي علشان اوصلك انك مهما غلط رحمه ربنا كبيره جدااا مترحش ل دجال يطلب منك حاجات انت نفسك متاكد انها غلط ومع ذلك بتعملها 

جرب تروح ل ربنا ب صلاه بس و هتحس بـ الفرق 

النـهــايـة            تـمــت

ادعمونا