القصة الأكثر رعباً قصة بئر العروسه

 ••  قصة بئـر العروسه  ••

لو متعرفش بئر العروسه فا هحكيلك قصتي انا معاه اسمي ايمان عندي 23 سنه انا من قاريه بسيطه زي اي قريه من قرى الصعيد النهارده كملت 23 سنه وعندنا في البلد الي تكمل ال 23 سنه كده عنست البنات عندنا بتتجوز من سن 18 سنه ويمكن ااقل هنقول اي بقي لسه النصيب مجاش النهارده مع عيد ميلادي فرح بنت عمي كلنا فرحانين وغنينا ورقصنا لحد بليل قبل ميجي العريس ياخد العروسه عندنا طقس لازم نعمل فين عند بير العروسه اي بير العروسه ده بير جاف غويط لتحت ظلما اتقال عليه حجات كتير جداا في ناس بتروحو كذا حد عندنا في البلد يروح بليل عند البير لاما يرجع مجنون وتصرفاتو تتغير ويقول شفت ناس سودا اشكلهم غريبه عند البير هناك لاما ميرجعش الطقس بتاعنا بقي بنعمل اي العروسه بتجيب الفستان بتاعها وتروح بي للشيخه شاديه تكتبلها عليه كلام غريب بيقولو حجاب وتروح العروسه بليل لوحدها ومعاها الفستان تحدفو في البير بعدها بقي حياتها بتتغير تخلف عيال كتير والرزق في بتها ميتقطعش عرايس كتير عندنا في البلد عملو كده وحياتهم بقت جنه وبقي طقس أساسي عندنا لازم الي تتجوز تروح البير بنت عمي بقي خلاص فاضلها ساعه وجوزها يجي ياخدها للبيت امي قالتلي روحي هاتي الشيخه شاديه عشان بنت عمك رحت لبيت الست دي مكنتش بحبها خالص كل لما اشوفها قلبي يتقبض مردتش مروحش عشان محدش يزعل مني رحت لبتها وجبتها معايه دخلت الفرح والناس اتلمت عليها الي يبوس أيدها ويقولها كراماتك يا شيخه والي يديها فلوس لحد ما طلعت الشقه اول مجت عند باب الشقه وقفت مرديتش تدخل خلت مرات عمي تشيل ايه القرأن من قدام الباب استغربت بس مينفعش اسال فعلا مرات عمي شالتها قبل متحط رجلها جوه الشقه انا سمعاها بصوت واطي بتقول ادخلو هما مين الي يدخلو دول بصتلي وبرقت انا خفت جداا وسكت دخلت لبنت عمي خدت منها الفستان وكتبت عليه الي بتكتبو بدم فرخه وبعد كده بصت للعروسه وقالتلها بصي يا بنتي هتروحي دلوقتي البير هترمي في الفستان وترجعي تاني بنت عمي خدت الفستان ومشيت قلبي مش مطمن وخايفه عليها جداا قولتلها استني هروح معاكي الشيخه دي مسكتني من ايدي وقالتلي لا هيا هتروح لوحدها فعلا راحت لوحدها واحنا استنيناها في البيت هما عمالين يرقصو ويغنو وانا من القلق عايزه اروحلها عدت ساعه وبعد كده سمعنا الناس تحت في الشارع بتقول العروسه جت نزلت جري عليها لقتها كويسه راجعه بتضحك وفرحانه ومفيش اي حاجه شويه وجي العريس خدها وراحو بتهم رحنا وصلناهم ورجعنا عدي كام يوم وبعدها اختها كلمتني رحتلها قعدنا مع بعض قعدنا نتكلم وفي وسط الكلام قولتلها عروستنا عامله اي سكتت شويه وقالتلي كويسه مرتحتش بردها وقولتلها يعني اي كويسه سكتت مرديتش تكمل ودخلنا في موضوع تاني اتعرفت علي واحد وجي اتقدملي واهلي وافقو عليه واتفقو اتخطبنا كام شهر وبعد كده اتفقو علي معاد الفرح

جي اليوم الي اي بنت بتحلم بي بس بالنسبالي كنت قلقانه جداا ومرعوبه من اليوم ده عشان عارفه الي هيحصل هتيجي النصابه دي الي اسمها شاديه وبعد كده هاخد الفستان واروح للبير في نفس الوقت مينفعش ارفض عادات وتقاليد وكلام كده غريب السيناريو بيتكرر بتيجي الشيخه شاديه والناس بتتلم عليها وتبوس ايديها وتاخد بركه وكرامات طلعتلي ودخلت عليا الاوضه بتاعتي جبتلها الفستان وفضلت تكتب عليه بالدم معرفش جبت الجرأة دي منين لقتني بقرب منها وبقولها بصوت واطي انتي لو فاكره اني مصدقه النصبايه بتاعتك دي فا احب اقولك اني ولا مقتنعه بأي حاجه بتعمليها برقت ليا اوي وقالتلي لو عندك مشكله في الي هتعمليه خدي الفستان بتاعك واطلعلهم قوللهم مش رايحه في حتة عمتا انتي كده كده رايحالو وهتشوفي وتصدقي قولتلها رايحه لمين سكتت وبصت للفستان عشان تكمل الي بتعملو دلوقتي لازم اخد الفستان وانزل اروح للبير خت الفستان وانا نازله لقيت الي اسمها شاديه بتقولي بصوت واطي وهيا بتضحك ابقي خلي بالك من نفسك مشيت في الطريق ووصلت هناك هوه بعد القريه بتاعتنا بشويه مسافه مش بعيده في حتي مقطوعه رحت لهناك اول ما وصلت قربت من البير تحت ضلما يا دوب نور القمر جايب حرف البير المكان كلو اسود في اسود مش البير بس مسكت الفستان ورميتو بعدها سمعت صوت بيضحك بصيت في البير مفيش حاجه رجعت بنظري لقدام تاني عشان اشوف خطيبي واقف قدامي استغربت وقولتلو اي الي جابك قالي انو قلق عليا فا جي ورايه يلا بقي عشان الناس مستنيانا والمؤذون كمان جي مشينا مع بعض واحنا مشيين قالي في طريق مختصر هنمشي في هيوصلنا للفرح وصلنا الناس متجمعه والكل مبسوط بس في حاجه غريبه مش فهماها كل الافراح الي حضرتها النصابه شاديه الي بيقولو عليها شاديه كانت بتبقي موجوده من اول الفرح للاخرو والمفروض كمان انها بتروح الشقه قبل العريس والعروسه عشان تحصنها خلصنا اليوم وروحنا بتنا والناس وصلتنا ومشيو دخلت خت دش وغيرت الطبيعي أن العريس والعروسه بيصلو الليله دي عشان ربنا يكرمهم في حياتهم الي بدءوها قولتلو نصلي بس كان رافض تماما ودي حاجه مفهمتهاش غير بعدين عدت الايام وكنا كويسين جداا مع بعض اسبوع اتنين وبدأت احس أن جوزي تصرفاتو بتتغير قبل منتجوز كان بيصلي هوه مش ملتزم بس كان بيحب يصلي الفجر والجمعه عندو حاجه لو مصلهاش بيفضل اليوم كلو متضايق من نفسو واحده واحده انقطع عن الصلاه مبقاش يحب يسمع قرأن حالتو ابتدت تسوء بيكلم نفسو ولما اجي اقولو بتكلم مين بيقولي ملكيش دعوه بقي يقف قدام المرايا كتير جداا لحد ما في يوم لقيتو راجع من الشغل ودخل القوضه بتاعتو من غير مياكل ولا يغير استنيت شويه قربت من القوضه عشان ادخلو اطمن عليه سمعتو بيكلم حد بيقولو عايز مني اي سبني في حالي اموتلك نفسي عشان ترتاح دخلت القوضه عليه وقعت جمبو فضلت اتكلم معاه واقولو انا عارفه انك مضغوط من البيت والشغل وانا بحاول علي قد مقدر اني مضغطكش خالص قالي انتي مش فاهمه حاجه الموضوع مش كده قولتلو خلاص فهمني قالي مش هينفع واترمي في حضني وفضل يعيط بعد كده لقيتو باصص في ركن القوضه وهوه خايف حسيت اني في حد معانا قالي تعرفي عايز اقولك علي حاجه وهتستغربيها انا لحد دلوقتي مش فاكر يوم فرحنا من ساعت مرحتي البير لحد مرجعتي قولتلو ازاي قالي أن آخر حاجه فاكرها وانتي داخله عليا الفرح لما رجعتي من عند البير استغربت وقولتلو لا انتا كنت معايه هناك جتلي ولما سالتك قولتلي عشان متبقيش لوحدك وانك جبت تروحني بالاماره مشينا في طريق مختصر عشان نوصل اسرع بصلي وقالي لا انا مرحتلكيش لقيتو سكت وبص في ركن القوضه قالي اه اه صح انا رحت جبتك انا كنت ناسي مبقتش فاهمه حاجه قولت ممكن يكون تعبان تعب نفسي ومؤثر علي دماغو قولتلو اي رئيك يا حبيبي لو تروح لدكتور يكشف عليك قالي لا انا مش محتاج انا كويس الايام بتجري حالو بيتبدل بينسي كتير وسعات احس انو جوزي وسعات حد تاني خالص كأنو عندو انفصام تعبت وكان لازم ادور علي حد يساعدني وطبعا مليش غير اهلي رحت زياره لماما قعت معاها كام يوم واحنا بنفطر قولت لماما عايز اقولك علي حاجه حكتلها علي جوزي والي بيعملو كلامها كولو مبين يا بنتي هيبقي كويس تلاقيه مضغوط وحجات زي كده واحنا بنتكلم سمعت صوت مش غريب عليا يا ناس يالي هنا انا الشيخه شاديه ماما قالتلها اتفضلي يا شيخه تعالي دخلت وبصتلي قالتلي اهلا اهلا عروستنا عامله اي قولتلها تمام الحمد لله ماما قالتلها بصي يا شيخه ايمان عندها حاجه وعايزه الحل من عندك حكتلها ماما بصتلي وقالتلي متقلقيش يا بنتي مع الوقت هيبقي كويس كلمها مطمنيش بالعكس ده خوفني اكتر قعدت شويه وبعد كده مشيت قولت لماما انتو ازاي مصدقناها الوليا دي نصابه ماما قالتلي بس يا بنتي نصابه اي دي ست بركه والناس كلها بتحبها قولتلها بيحبوها ولا خايفين منها قالت يا بنتي الست معملتش مع حد حاجه وحشه قولت في سري ربنا يستر انا دلوقتي خلاص كلها كام شهر واولد وجوزي كان بيكلمني يوميا يطمن عليا وفي يوم نزلنا انا وماما عشان نجيب لبس للبيبي الي جاي وانا بعدي الطريق سمعت صوت في ودني بيقولي استني وقفت مكاني بتلفت حوليا مفيش حاجه بعد كده سمعت صوت حدثه واحد وهوه بيعدي العربيه جت بسرعه وخبطيتو اتصدمت مكاني مبقتش فاهمه الصوت ده جي منين روحنا وبليل قبل منام سمعت نفس الصوت بيقولي خلي بالك من ابني ابني لو حصلو حاجه هحرقك فضلت انده واقول مين انتا وعايز مني اي وابنك مين الصوت رد عليا وقالي بصي في المرايه بصيت لقيت جوزي واقف قدامي من الصدمه معرفتش اتكلم سكت قالي لو فكره أن الي في بطنك ده يبقي ابن الانسي الي متجوزاه تبقي غلطانه ده ابني انا ولو حصلو حاجه او اتأذي انا هحرقك وقعت علي الارض اغم عليا فوقت لقيت نفسي علي السرير وماما بتقولي اي يا بنتي مالك دخلت القوضه لقيت واقعه علي الارض النهارده معاد المستشفي انا هولد النهارده رحنا المستشفي انا وماما واخواتي وجوزي دخلت غرفه العمليات مدرتش بحاجه فوقت لقيت الكل جمبي وقلقان بعد كده جي الدكتور وقلنا إن كان المفروض هتولدي النهارده بس لما جهزناكي للعمليه حصل حاجه غريبه لقينا أن الولاده لسه بدري عليها مفهمتش حاجه بس الدكتور شرحلي وفهمت أن الموضوع اتاجل بس مش اكتر قلقت والكل جمبي بيطمني وبليل وانا علي السرير سمعت صوت بينده عليا من المرايا بصيت نحيتها لقيت جوزي واقف جوه المرايا لقتني بقرب وانا مسلوبه الاراده لحد ما وقفت قدامو اتكلم وقالي انتي من النهارده بتاعتي وابننا لما يجي هنربيه مع بعض خلاص هانت كلها شهر واخدك انتي وهوه تعيشو معايه تحت الارض مع عيلتي وتتعرفي عليهم قولتلو انتا مين وعايز مني اي ابنك مين ضحك ضحكه كلها خبث قالي الطفل الي انتي هتولديه ده ابني والي كان معاكي يوم الفرح ده انا جوزك وصلك لحد البيت وبعد كده انا حبستو في الحمام لما دخل وبعدين انتي الي جيتي البير واتقدمتي وانا وافقت ومن سعتها وانتي بتاعتي

اغم عليا صحيت بعدها كلو كان نايم وانا علي الارض قمت وكملت نوم علي السرير وانا بفكر الي كان بيبقي معايه كل يوم ده مين مش جوزي ازاي لما صحيت الصبح كلمت جوزي وقولتلو يجيلي جالي الصبح بدري واتكلمنا مع بعض سالتو انتا فاكر حاجه من يوم فرحنا في الاول مكنش عايز يحكي بس لما ضغط عليه وفضلت اتحايل وانا بعيط حكالي قالي أن يوم الفرح كنت قاعد مستنيكي ترجعي من عند البير قولتلو هوه انتا مجتليش هناك قالي لا كمل بعد كده وقالي رحنا الشقه بتاعتنا دخلت الحمام خلصت وانا خارج بحاول افتح الباب مبيتفتيحش مقفول ومش عارف أخرج الحمام كلو اتملي دخان ومن وسط الدخان لقيت ايد بتخرج وبتمسك ايدي فضلت اصرخ عشان تسمعيني لحد ما اغم عليا مدرتش بحاجه غير تاني يوم لما صحيت لقتني لسه في الحمام خرجت وبعدها مقدرتش اتكلم ولا احكي كنت كل لما اجي اتكلم القي واحد واقف في ركن القوضه أو الصاله وبيهزلي راسو كأنو مش عايزني احكي بس دلوقتي مبقاش يهز راسو هوه بيقولي انو هيموتني عشان اتكلمت انا مش عارف ده اي ولا اي الي بيحصل رديت عليه وقولتلو انا عارفه كل الي بيحصلنا ده سببو الست النصابه الي اسمها شاديه رد عليا قالي لا الست دي بركه وكلنا هنا بنحبها سعدت ناس كتير وجوزت بنات اكتر قولت في عقلي هيا فعلا جوزت بنات كتير بس لمين سكت خالص وهديتو قالتلو وهوه منهار وبيبكي في حضني زي الاطفال خلاص ربنا أن شاء الله هيحلها من عندو بعد ما مشي فضلت افكر دلوقتي حي الوقت الي لازم اتحرك في وافهم الي بيحصل ده سببو اي والبداية عند الدجاله شاديه فكرت اني اروح بتها وافتش علي اي حاجه هناك هيا بتروح الافراح بتاعت البلد كلها وده افضل وقت ممكن اروح في بتها استنيت اقرب فرح في القريه القريه عشان صغيرا فا الناس كلها عارفه بعضها لو في فرح أو جنازه بتلاقي الناس كلها متجمعه رحت البيت بتاعها واستنتها تخرج خرجت اول مقربت من الباب جسمي كلو اترعش والدنيا تلجت فضلت احاول كتير عشان افتح الباب لحد بعد معناه اتفتح دخلت جوه البيت أشبه بالقبر رسومات كتير علي الحيطه وحروف مش مفهومه وكلام معكوس زي --------- فضلت ادور وطول الوقت حاسه ان في حد معايه في البيت وبيرقبني بتلفت خوفت جداا رحت ناحيه السرير بتاعها موجود تحت المرتبه البطاقه بتاعتها قرتها وعرفت هيا قبل متجلنا كانت قاعده فين سمعت صوت جاي من المطبخ بينده بأسمي جريت بره البيت وروحت انا عامله مصيبه ولو حد عرف مش بعيد تخليهم يقتلوني حبهم للست دي جامد جداا وكأنها سحرارهم وصلت بتنا دخلت عادي خالص والي بيسالني كنت بجيب خضار دخلت القوضه بتاعتي وفضلت افكر هعمل اي دلوقتي انا عرفت بيتها فين والخطوه الي جايه هروح هناك واعرف أصلها تاني يوم صحيت الصبح بدري ونزلت من البيت خالتي ساكنه في القاهره قولت لماما هنزل اسلم عليها واعد عندها كام يوم عشان نفسيتي تتحسن كلمت جوزي وخت الاذن منو فعلا سافرت وجي وصلني ركبت القطر وكلمت خالتي في الطريق عشان تستقبلني رحنا البيت سلمت علي بنات خالتي كان في واحده فيهم دي اقرب حد ليا وصاحبتي حكتلها علي كل حاجه من يوم الفرح لحد دلوقتي دليا قالتلي انها معايه وهتساعدني قولتلها هننزل النهارده قالتلي بكرا عشان كمان ترتاحي من السفر فعلا رحنا تاني يوم لمكان بتها البيت دورين ومقفول فضلنا ننده علي اي حد يطلعلنا مفيش طب هنعمل اي هنشوف حد يساعدنا فضلنا نسأل الناس جرانهم الناس الي كانو قاعدين في البيت ده راحو فين الي يقولي منعرفش والي يسبنا ويمشي وميتكلمش والي يخاف ويقولنا ابعدو احسن وملكمش دعوه بالي هنا طول الوقت واحنا ماشيين واخده بالي أننا من ساعت ما وصلنا لبيت النصابه شاديه في راجل كبير في السن بيراقبنا لما خلاص فقدنا الأمل قولت لدليا احنا هنمشي مفيش حد هنا هيساعدنا لقيت الراجل قرب علينا وقالي بقولك يا بنتي تعالي ورايه وانا هساعدك استغربت وقولتلو انتا مين اصلا وهتساعدني ازاي قالي بصي يا ايمان مش انتي بردو اسمك ايمان لو عايزه تعرفي كل حاجه عن شاديه تعالي ورايا سبني ومشي ومكنش قدامي حل غير اني اروح معاه رحنا ودخلنا بيت وقعدنا قالي الي جابك المسافه دي كلها اكيد مش هيردك مكسوره الخاطر وانا يا بنتي بساعد لوجه الله واجري وثوابي عندو بصي يا بنتي من زمان يجي 20 سنه أبوه شاديه وامها المنطقه كلها كانت بتحلف بيهم ناس غلابه في حالهم ملهمش دعوه بحد شاديه كانت صغيرا يدوب 14 سنه وتمر السنين لحد ما شاديه كملت 22 سنه واتعرفت علي واحد حبتو بس طلع ابن حرام وضحك عليها وسبها في الاخر بعد محملت منو أهلها عرفو والحي كمان عرف وانتي عارفه يا بنتي البنت ملهاش غير شرفها بعد كده بليل شوف شاديه وأبوها خارجين بليل بصراحه الفضول خدني ومشيت وراهم لحد ملقتهم داخلين الترب بعد كده خفت ابوها يشوفني ورجعت كنت لسه صغير بعد كده انقطعت اخبارها ومحدش يعرف عنها حاجه الي يقول دي طفشت والي يقول هربت مع عشقها وفي يوم الحي كلو صحي علي صوت صريح طلعنا من بيوتنا ولقينا النار ماسكه في البيت كلو حولنا نطفي النار معرفناش كل الي في البيت ماتو ابوها وامها واخواتها الاتنين بنت وولد رديت وقولتلو يبقي هيا الي ولعت في البيت وهربت علي البلد بتاعتنا الراجل بصلي بخوف وقالي لا يا بنتي الي عندكو دي مش شاديه ضحكت وقولتلو ازاي قام وجابلي صوره لشاديه قالي انو خدها من البيت بعد متحرق الصوره كانت عليها سواد وفعلا اثار الحروق عليها بصيت في الصوره لقتها هيا قولتلو هيا دي قالي يا بنتي بعد الحريق الحكومه لقت جثه شاديه في المقابر مدبوحه وشي اتخطف وبقيت في حاله صدمه ازاي ازاي امال الي عندنا دي مين رد وقالي أنها عفريتت شاديه ينهار ابيض وانا عارفه اتعامل مع بني ادمه لما اتعامل مع عفريته قولتلو ثواني انتا عرفت الكلام ده كلو ازاي قالي وقتكو خلص لازم تمشو دلوقتي انا بسمع صوتها كل يوم وهيا دلوقتي جايه لازم تمشو بعدها حاجه البيت كلها كانت بتتشال وتترزع علي الارض لوحدها خرجنا جري من البيت واحنا بنجري دليا قالت اي ده استغفر الله العظيم حسبي الله ونعم الوكيل بصي كده ببص ورايا لقيت بيت الراجل النار ماسكه في من كل حته وقفنا الناس اتجمعت وفضلو يطفو النار معرفوش كل مره النار بتزيد واحد واقف جمبنا قال مش عارف الحي من ساعت ما شرفت شاديه وحالو اتقالب مش سيبنا ولا وهيا عايشه ولا وهيا ميته يلا ربنا يسامح ابوها اهوه رحلها اي ده الي كان قاعد معانا ده ابوها روحنا البيت واحنا مش فاهمين حاجه انا حاسه نفسي في فيلم اي الي بيحصلي ده لما روحنا دليا قالتلي هتعملي اي قولتلها انتي لحد كده وتمام بعد كده انا هكمل لوحدي عشان محدش يتأذي بسببي فضلت يومين ودل اول يومين يعدو عليا من غير ما اسمع اصوات ولا حد بيهمس ولا اشوف خيالات علي الحيطه وفي السقف من ساعت متجوزت أو عشان اكون أوضح من ساعت ما رحت البير سلمت عليهم ورجعت البلد وانا عارفه اي الي مستنيني هناك نزلت محطه القطار لقيت ماما مستنياني هيا وجوزي روحنا البيت اول مدخلت الشقه شفت شاديه قاعده علي الكرسي الي قدام الباب مستنياني اول مشفتني جريت عليا وحضنتني وانا مرعوبه قالتلي ازيك يا بنتي نورتي بيتك والدتك لما قالتلي انك جايه النهارده قولت لازم اجي اشوفك وأسلم عليكي خصوصا انك وحشاني وانا من الرعب كنت بقول اي كلام يعني تقولي ازيك اقولها انتي عامله اي وفضلنا علي كده قعدت معانا وفضلنا نتكلم وفي وسط الكلام ماما قالتلها بنتي يا شيخه شاديه تعبانه جداا وبتقول أنها بتشوف حجات بصتلهم وقالت لا إذا كان كده سبوني معاها لوحدنا وانا هعلجها سبونا واحنا قاعدين بصين لبعض اتكلمت وقالت

لو فاكره انك هتقدري تعملي حاجه فا انتي بتحلمي انا لو عايزه اخفيكي تحت الأرض هعمل كده بس للاسف جوزك الي مش راضي عشان بيحبك بس متقلقيش كده كده هتخلفي وهيخدك انتي والواد معاه لتحت قولتلها انتي بتعملي كده لي وهتستفيدي اي انا معملتلكيش حاجه عشان تأذيني ضحكه ضحكه كلها خبث وقالتلي لا انتي ولا الكتير الي كانو قبلك عمللولي حاجه انتقامي من الي غدرو بيا انا ختو خلاص وولعت فيهم وعشان اعمل ده اعواني ساعدوني وانا بردلهم الخدمه دي علي فكره دي مش اول بلد اجوز فيها انا عامله كده زي الخاطبه بس بدل ما بجوزكم لبن آدم بجوزكو لجن ومش كل الجن بيطلب ياخد العروسه بتاعتو معاه لتحت بيعمل كده لما بيحس أنها ممكن تسيبو متقلقيش تحت هتبقي مبسوطه اكتر وضحكت تاني انا كنت سمعاها ومصدومه ساكته مش عارفه اتكلم رديت قولتلها انتي اي بني ادمه ولا جنيه قامت وقربت من ودني وهمست قالت انا جنيه ونهيتك علي ايدي بعد كده راحت لماما وقالتلها هيا خلاص بقت دلوقتي احسن ولو حصل حاجه تجبوهالي ومشيت انا قاعده في مكاني مش قادره اتحرك متكتفه في الكرسي فين وفين لحد مقومت استجمعت قوتي ودخلت القوضه بتاعتي وفضلت ادعي كتيير وقولت مش هينفع دعا من غير ما اصلي قمت فعلا صليت وبعدها النوم كبس عليا حولت اقاوم بس مقدرتش حلمت بيوم الفرح بتاعي بس كانت بتفرج علي نفسي كأني بشوف فيلم بس انا الي في الأحداث كلها زي محصلت بالظبط لحد ما خت الفستان بتاعي ورحت البير بس شفت بقي وانا واقفه هناك حجات سودا قصيره والشعر مالي جسمها كلو واقفين قدام البير اول ما رميت الفستان واحد منهم خرج من وسطهم وقرب علي البير نزل جاب الفستان واتشكل في هيئه جوزي وظهر ورايه وبعد كده الأحداث كملت لحد ما وصلنا الفرح لقيتو بعد عني وظهر قدامي وكان جاي ياخدني للشقه بس الي ظهر قدامي ده جوزي التاني اول مدخلنا الفرح اختفي وبعد كده رحنا الشقه وجوزي قالي انا داخل الحمام اتاخر جوه وطلع بعدها بكتير بس طلع شكلو مريب هيا ملامح جوزي بس مش هوه وبعد كده الأحداث كملت عادي لحد ما صحيت من النوم ايوه بس كده انا عرفت انا الي رحتلهم برجلي لفيت علي كل العرايس الي اتجوزو الي مبسوطه ولسه مكتشفتش والي حالهم زي حالي بس مش قادرين يتكلمو رجعت البيت اول مدخلت بعدها بشويه لقيت الباب خبط قمت فتحت شفت ظرف قدام الباب ختو ودخلت جوه فتحت الظرف وكان في رساله قريت الرساله وكان الي مكتوب في الاول انا رحاب طبعا انتي ممكن متعرفنيش حالي هوه حالك ولو بتدوري علي الحل للي انتي في فا انا عملت كل ده قبلك عمتا الحل سهل هتروحي لزينب وده العنوان خت العنوان زي مهو ورحت عليه المكان كان بعيد شويه من القريه بتاعتنا رحت علي الوصف الي مكتوب لحد موصلت خبط علي الشقه فتحتلي واحده ايوه مين ؟؟ قولتلها انا عايزه زينب ندهت عليها ولما جتلي قولتلها انا محتاجه اعد معاكي شويه في موضوع مهم عايزه اكلمك في دخلتني الشقه وقاعدنا في الصاله حكتلها علي كل حاجه من اول الفرح لحد دلوقتي قالتلي بصي انا مش هقدر اساعدك انتي ربنا معاكي ويقويكي ولو فاكره اني اتعالجت من الموضوع ده فا احب اقولك أن الي بيدخل في مبيخرجش انا لسه معايه لحد دلوقتي انا عرفت الطريقه بس مقدرتش اكمل محدش هيقدر يكمل اتحايلت عليها اعرف مردتش مشيت وروحت وانا مغلوب علي امري وانا ماشيه في الشارع لقيت واحده بتنده عليا وقفت وسألتها انتي مين قالتلي انا رحاب الي بعتلك الرساله استغربت قالتلي رحتي لزينب وطبعا مرديتش تساعدك عمتا انا هقولك هتعملي اي بس لازم حد معاكي هتروحي للبير وهتاخدي معاكي حد اول حاجه يعملها هيا العلاج بالخنق ولو متعرفيش اي هوه هيفضل يخنق فيكي لحد ميغم عليكي وسعتها الجن الي عليكي هيهرب لما يحس انو هيموت وبعد كده في بعض آيات الكوثر هتقريها بالعكس هقولك عليها هتحضري الجن الاحمر وهتطلبي منو يساعدك هيساعدك بس لازم ياخد حاجه في المقابل قولتلها انتي تعرفي الكلام ده كلو ازاي قالتلي عشان عملت كده بس مقدرتش اكمل خوفت ومشيت خليكي عارفه هتكملي مينفعش ترجعي صدقيني هتتعبي اكتر واكتر سبتها ومشيت وانا بفكر اعمل اي هكلم دليا هيا الي هتساعدني كلمتها وفعلا جيت واستنينا بليل رحنا لحد هناك وجينا قدام البير وقولتلها هتعمل اي كانت رفضا بس مع الحاحي وعياطي وافقت وفضلت تخنق فيا لحد ما اغم عليا وفقت بعدها طلعت الورقا الي كاتبا فيها الآيات وقرتها بالعكس بعدها صوت أجش وعالي ونار خرجت من حولينا وظهر راجل قدامي طويل وجسمو كبير ولي قرون ووشو احمر وشعرو واصل للأرض قالي جيباني لي قولتلو هتساعدني في جن معايه وعيزاك تحرقو الفديه بتاعتي هتبقي ابنك انا وافقت عارفه أن مفيش واحده ممكن تفرط في ابنها بس لما يبقي من الجن هخاف منو صرخ بعدها ولقيت الجن الي علي شكل جوزي ظهر بعد كده فضلو يزعقو لبعض ولقيتو خرج سلسله من ورا ضهرو وسلسلو ورماه في البير وهوه نازل كان بيتحرق بعدها اختفي كل حاجه ودليا في الأرض فوقتها وروحنا لو فكرين أن قصتي انتهت لا لسه فاضل اهم حاجه شاديه لازم اروحلها وصلت دليا ورحت ليها لما وصلت البيت بتعها لقيت النار خارجه من كل حته في البيت وانا بتفرج دم نزل مني عرفت اني كمان ابني مات روحت البيت وتاني يوم بعد صلاه الجمعه الباب خبط فتحت لقيت واحد وشو ابيض ودقنو طويله سودا قالي يا بنتي في ناس طلبت مني اني اساعدك ولما كنت بقرب من بيتك ديما كنت بلاقي سور مبعرفش ادخل حكتلو كل الي حصل وقالي بصي يا بنتي هما انتقمو منها لانها كانت الوسيط بينك وبين ابنهم الجن لي أهل زينا بالظبط ولما ابنهم اتحرق انتقمو منها وحرقوها متخافيش كل حاجه انتهت اسف لو جيت متاخر بس حولت كتير اوصلك مقدرتش غير دلوقتي ونصيحه قربي من ربنا وداومي علي صلاتك

         [[      تـــمــــت      ]]

الـنــهــــااااايــة !!