قصة العقد مع الشيطان الجزء الاول

 الجزء الاول

  ( العقد مع الشيطان )

اعرفكم بنفسي انا فريد وانا الي ها أروى ليكم القصه وانا اسف مش ها ينفع اذكر فيها أي اسم لأي شخص حقيقي فيها تجنبا للمشاكل

[  ] انا كنت شغال فرد أمن في شركه معروفه جدا ومرموقه وليها وضعها ما بين الشركات

[  ] ولكن كانت الشركه دي ديما بتوصل ليها شكاوي بسبب التأمينات الغير قانونيه وكمان التأمين على أشياء ليس لها قيمه

[  ] الموضوع كان في الأول مخوفني بس بعد كدا بقى طبيعي جدا اني اشتغل في الجو دا

 انا شاب في ريعان شبابي مش متجوز بس خاطب لبنت عمي وكنا بنحب بعض وكنت طول الوقت بكلمها في الخدمه بتاعتي من باب تضييع الوقت يعني

 المهم حصل موضوع في الشركه سبب للشركه خسائر كتيره فا دا سبب انهم يوزعو الأمن على جميع مناطق التأمين والمناطق التابعه لها حتى المناطق الغير مرحب بيها للبشر

 الجمله الاخيره اكيد مخيفه ليكم واكيد ها تفكرو تقصد ايه بالغير مرحب بيها للبشر

[] ها افهمكم

 ] المناطق الغير مرحب بيها للبشر مناطق عباره عن أماكن قديمه مهجوره من سنين كتير ولكن اصحابها بيفضلو انها تتأمن خوفا من الوضع عليها من قطاع طرق او الاستيلاء عليها جبرا عنهم

] ودي طبعا كانت شغلتنا بعد ما الشركه قربت تشهر افلاسها

[] وتم ترشيحي انا وعباس دا صديقي في الشركه اننا نروح منطقه مقطوعه لارض لرجل أعمال مشهور والأرض دي كان مبنى عليها مستشفى ومدرسه صغيره بسبب انها قريبه من الطريق العام بكذا كيلو

] المهم وافقنا لأننا كنا ها ناخد مبلغ كويس جدا من الشركه وكمان لان الشبكه صعبه جدا فيها وممكن تقطع نهائيا وأنهم يوصلو لينا ها تحتاج انهم ييجو بنفسهم ويخدونا]

 المهم جهزنا كل حاجا واخدنا الاجهزه الاسيلكيه بتاعت الشركه للتواصل مع بعضنا لو حد مننا راح بعيد عن التاني وكمان انا اخدت الفون بتاعي عشان اتواصل مع خطيبتي طول وقت وجودي في الخدمه

.... وعربيه الشركه وصلتنا للمكان وبعدها مشيت وانا وعباس بقينا نبص لبعض ومستغربين احنا ها نكون هنا لوحدنا ازاي

 المكان عباره عن صحرا حرفيا منطقه غريبه ومربكه الهوا شديد فيها وطبعا المستشفى والمدرسة بسبب قربهم لبعض فا كان الهوا ديما بيعمل دوشه شديده في المكان ولكن احنا كنا متعودين على تخبيط الشبابيك والأبواب بسبب طبيعه شغلنا فا مشغلناش بالنا وقولنا هما كام يوم ها نقضيهم وخلاص وبعدين مفيش حاجا تقلق او تخوف

] استقرينا في مكان كان قصاد المستشفى والمدرسه خوفا من اي حد يستولي عليهم او يخش يعمل حاجا مخالفه في المكان يبقى احنا قصاده ومأمنين نفسنا

] وقعدنا وبدأت خدمتنا من الساعه 7 بليل انا وعباس كل واحد فينا راح مكان

[] انا اول ما مشيت للمكان الي ها ابدا فيه خدمتي سمعت صوت رجلين على الأرض ماشيه جمبي وكأن حد معايا وجمبي اووي وقريب مني جدا

[ فا افتكرته عباس لان الدنيا كانت ضالمه جدا فا ضحكت وقولتله ايه يا عباس حابب تيجي تخدم معايا ولا خايف من الضلمه

 فجأه سمعت صوت ضحك خفيف وسكوت مفاجأه تاني ودي مش طبيعه عباس

[  ] فجأه لقيت الاسلكي بيتصل من عباس وعباس بيتكلم ايه يا عم فريد هوا انتا بعدت عن مكان خدمتك ولا ايه مش سامع منك صوت ليه

[] قولتله انتا بتهزر يا عباس انتا مش كنت جمبي من شويه

[] فضل يضحك وبيقولي انتا بدأت تخاف ولا ايه وتتخيل حجات مش موجوده انا متحركتش من مكاني يا عم فوق كدا وصحصح لسا اليوم طويل وقفل معايا

 انا وصلت لمنطقه خدمتي وبدأت اقعد واظبط مكان المراقبه وابص حواليا احسن يكون الي حصل دا حقيقي مش تخيلات ويكون حرامي او حاجا منعلمش بيها

 عدت ساعات الخدمه على خير ولسا الفضول ها يجنني عاوز اعرف هوا انا بجد سمعت صوت رجلين ماشيه وضحك ولا دي تهيأت

خلصت ونمت وصحيت على صوت عباس اصحى يا فريد اصحى يا فريد في مصيبه

قولتله في ايه ايه الي حصل ومصيبه ايه قلقتني

قالي تعالي شوف المكتوب على جدران المدرسه

قولتله يعني انتا مصحيني بالطريقه دي عشان تقولي على كلام أطفال كتباه على حيطان المدرسه انتا اتجننت يا عباس

 قالي مكتوبه بالدم هوا في أطفال ها تكتب بالدم برضو يا فريد قوم بالله عليك يالا بسرعه 

قومت بسرعه وجريت على المكان الي عباس اتكلم عنه ملقيتش اي حاجا

 بصيتله بقرف وقولتله بلاش شغل العيال الصغيره دي يا عباس احنا كبرنا على الكلام دا

 قالي والله كان مكتوب كلام بالدم بس انا مفهمتش منه غير كلمتين بس

 قولتله قول يا عباس الكلمتين ايه لما نشوف اخرتها ايه معاك

 قالي الكلمتين بيقولو قصاص دم وفي كلام كتير تاني مفهمتوش

قولتله قصاص ايه ودم ايه واحنا مالنا بالكلام دا احنا هنا للتأمين وبس روح نام شويه شكلك تعبان وانا ها امسك مكانك

وسيبت عباس ينام ومشيت بقيت اعمل دوريه على المكان الي بنأمنه زياده امان مش اكتر

 لقيت حجات غريبه في المستشفى والمدرسه رسوم ونقوش وشخبطه غريبه المكان دا اكيد كان بيتعمل فيه حجات بشعه بعد ما تم تهجير الي فيه لكن دلوقتي خلاص اكيد محدش بقى يقرب ليه

وفجأه سمعت تخبيط على ازاز فصل من فصول المدرسه طلعت اجري على الصوت لقيت شباك من شبابيك فصل كان قرب يتكسر من كتر الهز فيه والخبط

[  ] ببص على الازاز لقيت على الازاز بصمات ايد كانت معلمه عليه لما كان بيخبط مشغلتش دماغي وقولت اكيد حد كان موجود هنا من زمان وبصمات ايده على الشباك من بدري بمسح البصمات دي لقيتها من جوا مش من برا بس ازاي والفصول دي بقالها سنين متفتحتش 

 انا الرعب تملكني وحسيت بحجات كتير غلط في المكان 

سيبت كل حاجا زي ما كانت واتحركت ناحيه مكان خدمتي 

[  واول ما اتحركت سمعت صوت الازاز من تاني بيخبط جامد 

] بلف وشي على الصوت لقيت خيال واقف قصادي وورا الازاز وحاطط وشه على الازاز وبيضحك ضحكه مرعبه 

  ] ولحظات بسيطه واختفي 

] انا سيبت المكان وجريت على بره انادي على عباس  

] لقيت عباس خارج من مكان جمب المدرسه ووشه مخطوف وبيقولي انا شوفت حاجا في الاوضه دي في الضلمه كانت بتتحرك يا فريد تعالي نمشي من هنا

] قولتله انا كنت سايبك نايم ايه الي صحاك 

قالي انا سمعت صوتك انك بتنادي عليا من المكان دا فا قومت اشوفك عاوز ايه فا شوفت الي شوفته 

 شوفت ايه يا عباس 

[  قالي شوفت حاجا زي الخيال بس لونها اسود جدا ودخلت المدرسه وعدت من تحت بابا فصل وبعدها اختفت 

[  قولتله انتا الي جاي تقولي نمشي من هنا

 ] قولتله انا الي كنت ها اقولك دلوقتي اننا نمشي من هنا المكان دا فيه حاجا غلط

 ] قالي خلاص رن علي الاداره وقولهم اننا عاوزين نمشي من المكان دا ومش ها نكمل فيه ولا دقيقه تاني

[  ] قولتله ها ارن عليهم وابلغهم وان شاء الله يبعتو لينا حد يخدنا من المكان المرعب والملعون دا

[   وسيبته واتوجهت على مكان الاتصال وحاولت اوصل للاداره بس كان صعب جدا الشبكه كانت مقطوعه في المكان كله

[] وعشان اقدر اوصل لشبكه لازم امشي على رجلي أتنين او تلاته كيلو عشان اعرف اتصل او الاقي شبكه

 ] فا بصيت لعباس وقولتله استنى انتا هنا وانا ها احاول اوصل للشبكه

] قالي لا المكان قرب يضلم وانا مش ها اقدر اكون لوحدي في المكان دا 

قولتله جمد قلبك يا عباس خلينا نخلص من الموضوع دا وكمان مينفعش تكون معايا عشان ممكن حد ييجي يسرق حاجا ويتهموها فينا

[ قالي تمام بس لازم تكون قصاد عيني يعني متغيبش من قصادي اكون شايفك

[  قولتله خلاص متقلقش ها امشي قصاد عينك وان شاء الله ها الاقي شبكه بسرعه واتصل عليهم

] ومشيت من قصاده وفضلت اتحرك ناحيه الطريق إلى ها الاقي فيه الشبكه وانا سامع خطاوي جمبي وكأن حد ماشي معايا

[  ] والليل بدا يظهر والسما بدأت تضلم وصوت الخطاوي بدا يزيد والرعب بدأ يتمالك جسمي

[] وفجأه لقيت بدل ما رجل واحده بتمشي بقو اربعه

[] سامع ناس ماشيه جمبي وتتكلم بصوت واطي بس مسموع

[  ] الي قدرت اسمعه وافهمه ان حد بيقول لحد العشا الليله على الاتنين دول

 انا والزعيم على واحد والباقي على التاني وها ابعت جزء من العبيد تخفي الشخص الي بيحرس المكان ويوصلوه للزعيم

وفجأه الصوت اختفى ولفيت وشي لقيت عباس في خيال قريب منه كان وراه بالظبط وكان بيقرب منه 

[]  وشايف حد بيقرب تاني 

 سيبت كل حاجا من ايدي وجريت عليه وقعدت انادي عليه من بعيد يا عباس اجري ابعد عن المكان الي عندك دا بسرعه اجري

 لكن للأسف ملحقتش ومره وحده عباس اختفى من قصاد عيني ومبقتش شايفه

فضلت انادي عباس فينك يا عباس انا مبحبش الهزار دا اطلع يا عباس

[  ] وفجأه لقيت صوت ونفس حد ورا ضهري

] لفيت وشي لقيت عباس بس مكنتش عيون عباس ولا ملامح عباس كانت ملامح مطفيه

[ فا قولت ممكن يكون مش فايق من الخضه احاول افوقه

[ قولتله عباس انتا كنت فين قلقتني عليك ينفع الي بتعمله فيا دا

وفجأه صوت عباس اتغير وبقي صوت حد خشن جدا

ولقيته بيقول انا مش عباس انا زعيم المكان دا وحارس كل شيء فيه

انا الجن زاندور زعيم عشيره العبيد المسحوره والدوامه المنظوره والمنطقه المخموره والدخول في المكان دا مقتول او مخطوف او مأكول

 قولتله انتا انتا مين وعاوز مني انا وعباس ايه وفين عباس 

 قالي انا عاوز روحكم وجسمكم وكل حاجا فيكم انا بتغذي  على الرعب الي بتشوفوه هنا

 ومش ها اسيبكم ولا ها تخرجو من المكان دا غير جثث

وفضل يضحك بصوت عالي ومرعب اووي وفجأه اختفى تاني

وكمان عباس اختفي معاه

كدا في حجات كتير اووي غلط في المكان دا وانا لازم الحق نفسي والحق عباس

 اخدت التليفون ورنيت على الشركه بس بدون جدوى مفيش شبكه نهائيا

 روحت للمكان الي كنت براقب فيه اي تحركات ورميت نفسي على الأرض وفضلت ابكي على الي بيحصل ومش فاهمه دا وعلى الخوف الي تمالكني

وبعد فتره هديت وقولت لازم افكر اخرج من المكان دا انا وعباس لاني مش ها ينفع اسيبه

بس مخي كان وقف مش قادر افكر وانا لوحدي والمكان بقى ضلمه جدا وفي أصوات كتيرر اوووي بسمعها حواليا

قولت بصوت عالي انتم مين وعاوزين ايه وبتعملو معايا كدا ليه

 لقيت واحد صوته زي الأطفال بيقول احنا الملعونين هنا المخنوقين المحبوسين احنا العمل الأسود في المكان دا واحنا اسوء الأشياء هنا وافظعها

قولتله عاوز مننا ايه وفين عباس راح فين هات عباس واحنا ها نمشي من هنا نهائيا ومش ها نرجع تاني

 لقيته قعد يضحك هوا وكل الي معاه ويقولو بصوت واحد خط الموت خط الموت خط الموت

 قعدت اقول خط موت ايه بتقولو ايه حد يفهمني حاجا احنا معملناش ليكم حاجا

وفجأه الصوت وقف وبقت خطاوي  بتتحرك جامد جدا حواليا ولقيت حد قريب مني وخبطني على دماغي بحاجا ووقعت على الأرض

 انا كنت ماسك كشاف في أيدي واول ما وقعت الكشاف كان قصاد رجلي لمحت شخص شكله وحش اووي ولونه كله سواد بيسحب رجلي وبيشدني وانا على الأرض

 وفضل يجر فيا لحد ما دخلني المدرسه واول ما دخلت المدرسه لقيت نفسي في الفصل الي لقيت بصمات الصوابع فيه ومنظر مخيف ومرعب وانا حاسس بالشياطين كلها حواليا

وفجأه لقيت صوت المكان بقى عالي جدا والازاز بدا يتكسر والخشب الي موجود في الفصول بدا يتكسر ويتبعتر في كل حته وبدأت اسمع في طلاسم وكلام مش مفهوم وشويه والمكان هدى ولقيت حته في الحيطه منوره وعليها نقوش

وطلعت المدرسه اساسا من اول ما تم تهجيرها وهيا بقى يتحضر فيها شياطين ويتكتب نقوش وكلام للسحر عليها وطلعت انا وعباس كبش فدا لصاحب المكان لانه كان ها يموت بسبب التلاعب في العوالم الخفيه دي

 وانا عرفت كل دا بعد ما خرجت من المكان وها اقول خرجت ازاي

انا بعد ما لقيت نور على الحيطه وكلام مش مفهوم بدأت اخاف وأقرأ اي قرآن ييجي في بالي وحافظهل

لاكن صوت الحجات اللي بتحصل بيزيد اكتر واكتر

وبعدها شباك الفصل اتكسر وطار الازاز منه وجت حته على رجلي وفتحتها

انا اترميت على الأرض من الألم وفضلت اصرخ واطلب النجده ومفيش جدوى  بسبب الدوشه والضحك عمال يزيد

 قولتلك انا عملت ايه والمكان دا انا اذيت الناس فيه ازاي لقيت واحد منهم بيتكلم بيقول احنا جن العالم السفلى 

أخطر جن ممكن تقابله في حياتك خ

روجنا من عالمنا صعب جدا ورجوعنا لعالمنا أصعب بمراحل

الي قدر يخرجنا من هنا صاحب الأرض دي بسبب الآثار الي في المنطقه الي كان عاوز يستولي عليها بس من طريقتنا

ولكن بسبب غباءه وعدم استكماله للطقوس قدر يخرجنا ولكن مقدرش يستعملنا

وفضلنا على الأرض دي من وقتها لحد الان وبسبب خوفه قدر يتواصل انه يقدم لينا قرابين لزعيمنا ولينا

 وهيا الدم البشري واللحم البشري والي كانو انتم

انا كنت بسمع الكلام ومرعوب جدا ومش قادر اتمالك اعصابي قولتله وانا وعباس صديقي عملنا ايه عشان كل دا

قال انتم ضعفاء واغبيه انتم قرابين لينا احنا ومش ها تخرجو من هنا غير بالموت او تختفو نهائيا من على وجه الأرض

وفضل يضحك بصوت عالي ويتحرك حركات غريبه ومخيفه هنا وكل الي معاه

وبعدها سحبوني خارج الفصل بس بعد ما نزفت كتير جدا دم وحالتي كانت صعبه جدا

وانا بتسحب افتكرت ان حد في الشركه كان بيتكلم عن دجال بيحضر حن كان قريب من المنطقه دي وممكن يكون وصل للمدرسه دي قبل كدا واكيد سايب حاجا هنا تقدر انها تخرجني انا وعباس من الي احنا فيه

 بس طبعا انا بفكر والشياطين بتشدني ومش عارف بتشدني لفين فا قدرت اني أفلت منهم وأجرى ناحيه الاوضه وادور على اي كتاب او ورق او اي حاجا تبعدهم عني ويخليهم يسبوني لوحدي بس ملقتش غير ورقه صغيره كانت مرميه في آخر الفصل وكانت عامله زي ورق الجرايد او البردي شكلها غريب ومخيف جدا وخايف اقرائها تزود المصايب اكتر

بس معنديش حل غير اني اقرائها بعد ما الشياطين خلاص وصلو للفصل وبدائو بضربونب ويرموني على الأرض 

وبدائو بيشدوني لتاني مره روحت فاتح الورقه وقعدت اقراء منها الي مكتوب 

مش ها اقدر اقوله لاني عرفت فيما بعد انه طلسم طرد وتعذيب الجن الكافر 

وكان موجود هنا بقاله فتره لتحصين اي دجال بيعمل أعمال في المكان دا وخايف من الشياطين دي

وانا بقراء لقيت الشياطين بدا صوتها يزيد اكتر وكأنهم بيصرخو بصوت هستيري لدرجه اني حسيت ان ودني ها تتخرم من الصوت 

ولكن موقفتش وفضلت اقرا لحد ما لقيت نفسي مرمى برا المدرسه عند المكان الي كنت بخدم فيه 

ولقيت الجو بقى هادي جدا ومفيش صوت ولا خطاوي ولا حركه

 حاولت اقوم بس رجلي حاسس بأني مش قادر اتحرك عليها 

 لفيت عليها قماشه كانت عندي وحاولت احرك نفسي واللف على عباس لان انا من ساعه ما لقيت حد غيره هوا الي بيتكلم وانا مبقتش شايفه ولا سامع حتي صوته 

فضلت اكتر من نص ساعه بلف عليه في كل ارجاء المكان ولكن بدون أثر وكأن الارض اتشقت وبلعته

ببص في الساعه لقيتها دخلت على الساعه 5 وبدأ الصبح يظهر ويبان وكأن الفرج قد اقترب  

اول ما لمحت الطريق سيبت كل حاجا وفضلت اجري وانا رجلي بتنزف عشان اقدر اوصل للشارع الرئيسي والاقي اي حد ينقظني انا وعباس 

انتظروا المزيد من القصة بعد قليل